حرص الفنان تامر حسني، على دعم اقتراح المخرج كريم السبكي المتعلق بالسينمات تزامنا مع قرار ترشيد استهلاك الكهرباء.

وكتب تامر حسني، عبر حساباته على مواقع التواصل الاجتماعي:"اقتراحي إذا أمكن فا يتطبق على كل الجهات .. كلام البوست اللي كتبه زميلي المنتج كريم السبكي ده من وجهة نظري اقتراح صحيح للسينمات أعتقد وزارتنا المبجلة ممكن تدرسه وأكيد هيعملوا الصح لأن برضو الصح عمره ما هيكون من وجهة نظرنا إحنا".

وتابع:"بس أكيد في حاجات تانية ممكن منكنش على دراية بيها وهى لمصلحة البلد ولكن لو الاقتراح ده اتنسق مع أهداف الدولة أتمنى تحقيقه واقتراحي الشخصي إن القرار ممكن يتطبق على أماكن كتير مش بس السينمات أو أماكن تختار يقفلوا الصبح وأماكن تختار يقفلوا بالليل و كل ده بالتنسيق مع الجهات اللي شايفة شغلها وأكل عيشها أكتر بالنهار ولا بالليل و بكده كله هيتراضى".

وأضاف :"وبرضو ده من وجهة نظرنا المحدودة … وأي قرار أكبر مننا بتاخده الدولة لازم نحترمه ونتأكد مليون في المية إنه لمصلحتنا حتى لو استحملنا شوية كل الشكر والتقدير و الاحترام لوزاراتنا المصرية العظيمة".