قال الفنان أحمد عبد الحميد، إن مسلسلات رمضان 2026 تعاني من تكرار القصص والتيمات، مضيفا: كل واحد ضمن قصة نجاح أو تيمة ماشي عليها السنة دي، ما غيرش حاجات كتير كتير، شايف ده حقيقي فعلا، موضحا أن بعض صناع العمل الفني يفضلون البقاء ضمن منطقة الراحة الخاصة بهم.

أحمد عبد الحميد: مسلسلات 2026 قصص مكررة وتيمات متشابهة

وقال احمد عبد الحميد، خلال لقاءه مع الإعلامية أميرة بدر، ببرنامج أسرار، على شاشة النهار،: هو ناس خايفة تخرج بره الكومفرت زون بتاعها، فمش خايفة، ممكن تكون بتستغلها أحسن استغلال، يعني لحد الآخر وخلاص، موضحا أن الورق الجيد هو الذي يبرز القيمة الحقيقية للعمل.

وأضاف احمد عبد الحميد: في ورق، أما في ورق بقى أصل، بس الورق الحلو بيبان، لو عايزين نتكلم، ورق لام شمسية السنة اللي فاتت، ورق قلبي ومفتاحه ورق عظيم طبعا، موضحا أن بعض المسلسلات التجارية تحقق المطلوب، لكنها ليست كثيرة هذا العام.

وأشار أحمد عبد الحميد، إلى أن متابعة ردود أفعال الجمهور على مواقع التواصل الاجتماعي مهمة، لكنها تحتاج إلى قراءة دقيقة، قائلا: الناس من على سوشيال ميديا بتتكلم على إيه وإزاي وكده، فالناس بتتكلم كتير، وده مؤشر لازم نحطه في عين الاعتبار، إحنا بنشتغل عشان الناس.