قضت محكمة مستأنف جنايات شمال القاهرة، برفض الإستئناف المقدم من المتهم "علاء. ف"، وأيدت  حكمها بالسجن المؤبد في قضية قتل جارته "أم ناهد" وتقطيع جسدها والاحتفاظ برأسها داخل الثلاجة، نتيجة خلافات جيرة بينهما بمساكن النهضة.

تأييد السجن المؤبد لمتهم بقتل جارته 

وكانت قررت نيابة حوادث شرق القاهرة فى وقت سابق إحالة المتهم إلى محكمة الجنايات المختصة، بعد اتهامه بقتل جارته، وتقطيع جسدها، وإلقاء أجزاء منه للكلاب، مع الاحتفاظ بباقي الجثة في ثلاجته، في منطقة النهضة بالقاهرة.

وذكر المتهم أمام جهات التحقيق أن المجني عليها جاءت إلى شقته وهي تحمل سكينا وهددته لإجباره على الشهادة معها في محضر ضد جارتها بنفس العقار، فتطورت المشادة الكلامية بينهما، وتمكن خلالها من انتزاع السكين من يدها وطعنها، ثم قطع الجثة، وألقى بعض أجزاء الجثمان في صندوق قمامة، واحتفظ بالباقي في الثلاجة لحين التخلص منه.

وكشفت التحريات أن المجني عليها كانت سيدة منفصلة عن زوجها وتقيم مع ابنتها الطفلة داخل الشقة، وأن أحد الأشخاص أبلغ عن اختفاء شقيقته عن شقتها منذ عدة أيام.

وفي اعترافاته أمام جهات التحقيق، قال المتهم :«الست دي كانت عامله مشاكل مع السكان كلهم وكانت بتعمل لهم قضايا وتطلب لهم النجدة، شوية تقول واحد تحرش بيا ومرة واحد سرقني وكانوا كلهم بيتحبسوا، وفي مرة حتى جه ضابط من القسم قالها يعني الناس كلها غلط وانتي اللي صح، وفي يوم وأنا واقف في البلكونة لقحت عليا بالكلام وهي فوق».  

 وتابع المتهم: «لقحت وقالت الناس قليلة الأصل اللي مييخرجوش يشهدوا شهادة حق لولية ومردتش عليها، وبعدين قبل الموضوع ده بيوم كده لقيتها على السلم قولتلها انتي فتحتي الهويس عليا أنا الشقة كلها ميه، وأنا مش معايا فلوس للكلام ده ولا تكلفة عشان أصلح، وكانت تزعق وتتكلم معايا بطريقة وحشة جدًا، وحتي وهي نازله الصبح لو قابلتني متقوليش صباح الخير».  

  وأضاف المتهم:«في مرة قالتلي أنا عايزاك تشهد شهادة معايا إن الناس بتسرقني وتتحرش بيا وأنا مردتش ففضلت تزعق معايا وتقولي ماشي أنت حر، وبعد كده يوم الحادثة بقي الصبح وأنا في الشقة لقيت خبطة قوية على الباب ففتحت لقيتها روحت قفلت الباب وراها قالتلي يا متحرش، قولتلها إيه اللي بتقوليه ده قالتلي هو كده وفضلت وهتيجي تشهد معايا غصب عنك»