كشفت الفنانة رشا سامي العدل، علاقتها بالفنان محمد مرزبان، وتطورات حالته الصحية بعد تعرضها لحادث سير بالموتوسيكل.

وقالت رشا سامي العدل: "محمد مرزبان.. بعيدا عن إنه زميل فى المجال و بعيدا عن انه رفيق طريق فى هواية الموتوسيكلات اكتر من ١٢ سنة و بعيدا انه جمعنا جروب واحد فى جروبات مختلفة سنين".

وتابعت:"ميرزو أخويا مش بس صديقي بموت فى مراته ناتو.. قد إيه ست جميلة و كلاس و دمها خفيف قد ايه هو نفسه خلوق و جدع و خدوم و صاحب صاحبه راجل فى المواقف و مستمع جيد ، بينا عيش و ملح و مواقف كتير ضحك و زعل و سفر كتير فى محافظات مصر من غردقة لشرم ل بورسعيد ل اسماعيلية ل اسكندرية إلخ مش من الناس اللى بنتقابل هاي و باي و دمتم".

وأوضحت: "حادثة مرزبان هزتني بس هزت ناس كتير قوي كمان معايا سواء فنانين ، بايكرز او ناس اتعاملت معاه او حتى ناس ماتعرفوش غير من شاشة التلفزيون".

وأضافت: "مرزبان حالته حرجة جدا ومحتاج كل دعوة صادقة والبوست ده هدفه جمع أكبر عدد من الناس تدعيله في بترجاكم لا تبخلوا عليه بالدعاء.. اللهم اشفيه شفاء لا يغادر سقما وعافيه وقومه بالسلامة لكل أحبابه وصبر وطبطب على قلب زوجته وبناته وقلبنا كلنا اللي موجوع عليه".