عبر الفنان محمد رمضان عن استيائه مما حدث مع 3 أشخاص صعايدة منعوا من دخول إحدى السينمات لمشاهدة فيلمه "أسد" بسبب ارتدائهم الجلباب.

وظهر محمد رمضان في فيديو قال فيه: "3 صعايدة داخلين فيلم "أسد" في السينما يمنعوهم عشان لابسين جلابية صعيدي فيهم واحد في سن والدي يعني اللي منعتهم انت قلبك فين وعقلك فين أصلك إيه؟ أمك روسية مثلا ولا جدك تركي عايز افهم انت منين انت إزاي يهون عليك يا بني آدم تروحهم مكسورين الخاطر قانون إيه اللي حطاه السينما؟".

وناشد محمد رمضان وزيرة الثقافة للتدخل وتقديم اعتذار لهم قائلا: "معالي وزيرة الثقافة أنا مبكلمش حضرتك كمواطن أنا بكلم حضرتك كإنسان مش كبطل الفيلم اللي حصل فيه الواقعة كبني آدم أرجو من سيادتك اعتذار رسمي لصعيد مصر دي مش إهانة ليهم دي إهانة لينا كلنا".

وعاد وكتب محمد رمضان تعليقا على الفيديو: "شرف ليا وللسينما ولكل صناع فيلم أسد دخولكم الفيلم ولو ماشلتكوش الأرض أشيلكم على راسي واثق في رد فعل معالي وزيرة الثقافة باعتذارها الرسمي لكل الصعايدة في مصر السينما للجميع يافندم ودي ابسط حقوق الشعب".