أبدى حسن شحاتة المدير الفني السابق لمنتخب مصر، رأيه في البرازيلي بيزيرا لاعب نادي الزمالك وما قدمه مع الفريق خلال الموسم الحالي.

وقال شحاتة في تصريحات لبرنامج أوضة اللبس الذي يقدمه الإعلامي أحمد حسام ميدو على قناة النهار: "بيزيرا بيضحك علينا لأنه عمري ما شوفت لاعب بيعيط وهو في وقت من الأوقات ظهر وهو بيعيط".

وتابع: "بيزيرا لاعب كويس لكن انت مش محتاج انك تعيط عشان تجذب الجماهير ليك او عشان يقولوا عليك لاعب كويس".

وأتم: "هو لاعب كويس وبيلعب بشكل كويس جدا لكن عدم وجود لاعيبة مميزة في المركز ده خلاه يظهر بشكل أكبر".

حسن شحاتة: معتمد جمال واخد من تاريخي ونجح مع الزمالك في ظروف صعبة

وأوض حسن شحاتة، أن معتمد جمال نجح في قيادته لنادي الزمالك رغم الظروف الصعبة.

وأضاف عبر برنامج أوضة اللبس على قناة النهار: "معتمد جمال واخد من تاريخي شوية ومسك الزمالك في ظروف صعبة وحقق اللي ميتحققش مع النادي في ظروف صعبة".

وتابع: "معتمد جمال يعرف ربنا كويس وماشي مع اللاعبين بشكل كويس وكل ده بسبب الهدوء والايمان في ربنا سبحانه وتعالى".

وأتم: "المدربين المصريين محققين نجاحات مميزة وفكرة وجود مدرب أجنبي لمجرد الاسم أمر خاطئ ومينفعش تجيب مدرب أجنبي عشان تقول أنا جبت مدرب أجنبي".