كشفت التحقيقات أقوال الفنانة زينة في واقعة تعدي كلب على نجليها داخل كومبوند بالشيخ زايد.

وقالت زينة أمام جهات التحقيق: اللي حصل أن يوم ٢٥-٥-۲۰۲٥ حوالي الساعة ٧ وشوية المغرب أنا كنت رايحة البيت وأبنى عز ، أبنى زين كانوا في ملعب الكورة " وانا رجعة البيت لقيت أتصال جالى على تليفونى من رقم أنا معرفوش. 

وتابعت الفنانة زينة: لما رديت ليقت أبنى زين بيرد عليا وبيقولى ألحقى يا ماما في كلب أتهجم علينا والولد صاحب الكلب سيبه علينا" فأنا سألته معاكوا مين قالي أنا في الملعب وقولتله موبايل مين ده اللى بتتكلم منه قالي محمد الأمن وسألته أخوك فين قالي الكلب اتهجم عليه في الملعب و قالي تعالي بسرعة وأنا روحت عليهم وخدتهم ولقيت زين متعور في كتفه من الحديد بتاع سور الملعب وعز الدين متخربش في رجليه الاتنين ومتقطعة خرابيش و طلعت أجري علشان أشوف الأمن فين ورکبت ولادي الاتنين معايا و طلعت أجري بعربيتي بعد ما قعدتهم ورا علشان ادور على فرد الأمن.

وأردفت زينة في أقوالها: كنت بجري علشان ألحق فرد الأمن  و أعرف إيه اللي حصل منه وفجأة لقيته واقف على جمب بالموتوسكل ولما نزلت من العربية لقيته مع طفل والطفل كان معاه كلب وأنا ساعتها سألت إيه اللي حصل و قالي الولد ده سيب كلب على زين وعز في الملعب و متخافيش يا مدام أنا مسكته أهو بس هو شكله مش من عندنا وأنا سألت الولد وقولتله فين مامتك یا حبیبي وأنتو ساكنين فين وقالي البيت أهو وشاورلي عليه.

وتابعت: وانا قلتله أنت إزاي ماشی بالكلب ده لوحدك روح أنده مامتك أنا عايزة اتكلم معاها وهو طلع مشي على الرصيف وأنا اتحركت وراه بالعربية الخطوتين دول و دخل البيت ولقيت واحدة ست خارجة من البيت و معاها ناس كتير خارجين معاها و هي خارجة تشتم فيا بأبشع الألفاظ قالتلي انا همسح بيكى البلاط أنتى ازاي تشتمى أبنى وأنا قولتلها أنا مشتمتش ابنك وأنتي إزاي بتقابلي الناس كدة أنا جايلاك لحد بيتك علشان أقولك متخرجيش ابنك بكلب وعلشان تعتذرى عن اللي ابنك عمله فتعملى كده وجوزها كان واقف معاها و كان بيهديها و بعد كده قالی متنرفزيهاش علشان أنتى مش قدنا .

يذكر أن محكمة جنح الشيخ زايد في الجيزة، قررت تأجيل محاكمة المتهمين في واقعة التعدي على نجلي الفنانة زينة بكلب، داخل كمبوند بالشيخ زايد إلى جلسة 28 فبراير، لاتخاذ إجراءات الرد.