أثارت بثينة علي الحجار، حالة من الجدل بعد فيديو لها ظهرت فيه وهى تتحدث بسخرية عن ظروفها المعيشية.

وقالت بثينة علي الحجار: "مش عارفة أنا إزاى عايشة، إحنا عايشين إزاى يا جماعة، أنا مكلتش غير بقسماط من امبارح أنا والقطط".

وأضافت بالفيديو، متسائلة: "هو مش أنا أبويا علي الحجار".

وعلقت والدة بثينة علي الحجار، بشأن الفيديو المتداول والمنسوب لابنتها خلال الساعات الماضية، مؤكدة أنه تم تسريبه من حساب خاص دون إذن.

وكتبت والدة بثينة عبر حساباتها على مواقع التواصل الاجتماعي: "المواقع اللى عماله تقزقز فى سمعة البنت ووالدها... ده فيديو خاص لشابة بتفضفض مع صحابها، من private account، مش للسرقة ولا للنشر".

وأضافت: "واللي هيتاجر أو هيعلي التريند هيعرض نفسه للمسألة القانونية، واتقوا الله يا ملايكة يا اللي قايمين من على السجادة يا مدعي الشرف والاستقامة".