علق الفنان محمد رمضان على الأوضاع الراهنة في مصر، خاصةً بعد قرار غلق السينمات والمحلات في تمام الساعة التاسعة مساءً ما عدا يومي الخميس والجمعة الساعة ١٠ مساءً، وذلك بالتزامن مع استعداده لطرح فيلم أسد في دور العرض المصرية والعربية.

وقال رمضان خلال فيديو نشره عبر حسابه على انستجرام: وحشتوني طبعًا وعايز أتكلم عن الفترة الصعبة اللي بنمر بيها لتوفير الطاقة وقفل المحلات والسينمات من 9 مساء وإحنا في ضهر بلدنا ومتحملين الأزمة دي وهو ده الشعب الأصيل والصبور.

وأردف: وده هيأثر على الإيرادات واﻷفلام أكيد.. خصوصًا إنه فيلم بقاله 3 سنين وغايب بيه وواخد كل الفرصة الكبيرة ولكن أنا بوعد اللي بيسمعوني.. إن كل نجم أدرى بجمهوره وحافظه والجمهور اللي نجمه غياب بقاله 3سنين وبيذكره في شهر رمضان ومازال بيتداولوا مشاهد من مسلسلات من 10و11 سنة.. فده جمهوري أنا أدرى بيه وحافظه.

وأضاف محمد رمضان: وأنا بوعد الجمهور إن حفلات الصبح اللي بتبقى حفلات ضعيفة السينمات هتشهد نجاح جديد من نوعه .. وهيبقى لأول مرة هنشوف فيها زحام شديد … وده ثقة في الله وهنشوف نوع جديد من النجاح في السينما في فيلم أسد وإحنا في ضهر بلدنا وإن شاء الله الفيلم يعجبكو.

تفاصيل فيلم أسد بطولة محمد رمضان

يتعاون محمد رمضان مع العديد من الفنانين في فيلم أسد، منهم: رزان جمال، علي قاسم، إسلام مبارك، ماجد الكدواني، كامل الباشا، ركين سعد، أحمد عبد الحميد، محمود السراج، وذلك تحت قيادة المخرج محمد دياب، وتأليف مشترك بين محمد دياب وشقيقته شيرين دياب.

كما تدور أحداث المسلسل في إطار اجتماعي ممزوج بالساسبنس والأكشن، وذلك في إطار زمني قديم، يعود من خلاله رمضان لأزمنة سابقة.